|
Ва бошқалар билан суҳбатлашишда тенглик мавқеи асос бўлиши керак… Биз мусулмон бўлганимиз туфайлигина кураш абадий давом этиши ҳақида гапиришимиз мумкин эмас, деб Қуръондаги ушбу:
تَعَالَوْا إِلَى كَلِمَةٍ سَوَاءٍ بَيْنَنَا وَبَيْنَكُم
– „… бизга ҳам, сизга ҳам баб-баробар бўлган бир сўзга келингиз“, [3:64]
оятга ишора қилдим. Бу оят биз насронийлар билан суҳбатлашишимиз мумкинлигини англатади. Биз яҳудийлар билан ҳам, бошқалар билан ҳам суҳбатлашаверамиз. Қандай қилибми? Оят «бизга ҳам, сизга ҳам баб-баробар сўз», - демоқда. Шунинг учун бизнинг сўзимизга келинг, суҳбатлашамиз, демаймиз». (Эрон президенти маслаҳатчиси Атоуллоҳ Муҳожироний, юқорида зикр қилинган давра суҳбатидаги нутқидан). Шунингдек, динлар ўртасида умумий махражга асос солиш учун динлар суҳбатига чорлаб, улар ўртасидаги зиддиятлар тўғрисида - мусулмонлар онгини заҳарлаш учун - чурқ этмаётган кимсалар ҳам мавжуд. «Иброҳим фарзандлари» деган атамага ишора қилиб, учала динни олиб келганлар бир ота, яъни Иброҳим а.с.нинг фарзандлари дея динлараро суҳбатни кучайтиришга чақираётганлар ҳам бор. Айрим мусулмонлар Қуръони Карим оятлари билан барча пайғамбарлар мусулмон бўлганлигини исбот қилмоқда. Масалан, Аллоҳ Таоло Нуҳ а.с. тиллари билан шундай деган:
وَأُمِرْتُ لأَنْ أَكُونَ أَوَّلَ الْمُسْلِمِينَ
– „Ва мен мусулмонларнинг-бўйинсунгувчиларнинг аввали-пешқадами бўлишга буюрилганман“. [39:12]
Иброҳим ва Исмоил тиллари билан шундай деган:
رَبَّنَا وَاجْعَلْنَا مُسْلِمَيْنِ لَكَ وَمِنْ ذُرِّيَّتِنَا أُمَّةً مُسْلِمَةً لَكَ
– „Парвардигоро, бизни Ўзингга бўйинсунгувчилардан қилгин ва зурриётимиздан ҳам Ўзингга итоат қиладиган кишилар чиқаргин“. [2:128]
Лут а.с. қавмлари ҳақида шундай деган:
فَمَا وَجَدْنَا فِيهَا غَيْرَ بَيْتٍ مِنَ الْمُسْلِمِينَ
– „(Лекин) у жойда бир хонадон (яъни Лут пайғамбар хонадони)дан ўзга мусулмонларни топмадик“. [51:36]
Ва ҳаворийлар тиллари билан шундай деган:
وَاشْهَدْ بِأَنَّا مُسْلِمُونَ
– „(Эй Ийсо), гувоҳ бўлгинки, биз Аллоҳга бўйинсунгувчилармиз“. [3:52]
7-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54